Францускиот актер Венсан Касел ненадејно ги избриша сите фотографии од својата млада сопруга Тина Кунаки од Инстаграм и тоа среде сè погласните шпекулации дека парот ставил крај на нивниот брак по пет години.

Славниот 56-годишен актер и 30 години помладата манекенка се венчаа во 2018 година, две години откако почнаа да се забавуваат, а во април 2019 година ја добија ќерката Амазонија.

„Тие раскинаа пред неколку недели. Тина е со скршено срце“, рекол извор за „Дејли мејл“.

Иако ниту актерот ниту манекенката не го коментираа наводниот распад на бракот, јасно е дека нешто не е баш во ред меѓу нив. Касел претходно редовно објавуваше заеднички фотографии со Тина, па дури и такви на кои таа беше сама, и ѝ пишуваше емотивни пораки. Но, сега сè исчезна без трага, дури ниту 26-годишна Тина одамна не споделила ништо поврзано со нејзиниот сопруг на социјалните мрежи.

Исто така, сомнителен е и податокот што парот не се појавува заедно во јавност од јануари годинава, иако претходно беа практично неразделни и рака под рака ги посетуваа сите јавни настани.

Својата романса ја започнаа кога Тина имаше само 18 години, а набргу потоа Касел стави крај на бракот со италијанската актерка Моника Белучи. Повеќето беа убедени дека францускиот шармер никогаш нема да најде жена која би можела да ѝ парира на италијанската дива, но изборот на младата и убава Тина ги разувери.

Инаку, славниот Французин беше во брак со Белучи од 1999 до 2013 година, а ги имаат ќерките Дева и Леони.

Ќерката на Моника Белучи и Винсент Касел наполни 16 години – Винсент и честиташе со емотивна фотографија (ФОТО)

ФОТО: Бившиот сопруг на Моника Белучи ужива со 23-годишната манекенка на плажа во Бразил