Денеска во рамките од 32 коло во најсилното германско првенство фудбалерите на Хофенхајм и Лајпциг ремизираа со резултат 1:1.

По првото полувреме водеа гостите со погодокот на словенечкиот интернационалец Шешко во 38 минута.

Домаќинот успеа да го избегне поразот во самиот финиш од средбата со голот на Хрватот Крамариќ.

На тој начин дојде до прекин на серијата од четири победи по ред на Лајпциг, но и натаму трае серијата без пораз во шампионатот, а последен пат загуби на 24 февруари на гостувањето кај Баерн Минхен.

Во составот на Лајпциг за вечерашниот натпревар не беше македонскиот репрезентативец Елиф Елмас поради болест.

На табелата во Бундес лигата играчите на тренерот Марко Розе се на четвртата позиција со 63 бодови, додека Хофенхајм е на седмото место со 40 бодови.