Крај на кариерата на Тим Крул
Одличниот голман Тим Крул официјално ја заврши својата професионална кариера.
Препорачано
Крул, кој остави голем печат во Њукасл, но и во репрезентацијата на Холандија, одлучи да ја заврши кариерата и повеќе нема да го гледаме како професионален фудбалер.
„Откако ги симнувам ракавиците по 20 неверојатни години како професионален фудбалер, сакам да одвојам момент и да се осврнам на моето патување. Од доаѓањето во Нјукасл на 17 години, до претставувањето на Холандија на меѓународната сцена. Навистина го живеев сонот што го имав како дете – секој меч, секој тренинг и секој успон и пад ме обликуваа во личноста што сум денес. Ви благодарам на клубовите, тренерите, соиграчите, мојата прекрасна фамилија, а најмногу на вас, навивачите, за поддршката низ целата кариера. Со нетрпение го очекувам следното поглавје и засекогаш ќе ги чувам спомените од теренот. На нови авантури надвор од теренот! Ви благодарам.“ – Тим Крул
Тим Крул со Норвич двапати ја освои Чемпионшип-лигата, со репрезентацијата на Холандија до 21 година го освои ЕП 2007 против Србија во финалето, а беше и дел од холандската репрезентација која ја освои третата позиција на Мундијалот 2014 во Бразил.
Тој бранеше за Њукасл, Фалкирк, Карлајл, Ајакс, Брајтон и Лутон.
Превземено од: https://sport.com.mk/
