Најверојатно и дојде крајот на уште една голема холивудска љубов…

Кетрин Зета Џонс и Мајкл Дагас по 20 години брак наводно се разведуваат и тоа поради големата разлика во годините, наведуваат странските медиуми.

Тие двајца се во брак 20 години, а како што велат Мајкл смета дека на сопругата веќе ѝ станал здодевен.

„Љубовта која еден кон друг ја чувствувале со години изгледа дека повеќе не е доволна за бракот да опстои. Како главна причина за несогласувањата, предизвикана од годините, е тоа што актерот дошол до фаза во животот кога наводно сака да се смири и да го успори темпото на живот. Од друга страна, 25 години помладата Кетрин и понатаму има доста сила и многу амбициозно ја гради својата филмска кариера“, изјавил изворот.

Ниту Мајкл ниту Кетрин не се огласија по овој повод, па така останува да го почекаме останатиот тек на настаните.