Премиерот Димитар Ковачевски го осуди двојното убиство на Вања и велешанецот Панче Жежовски кое што го нарече грозоморен чин и порача дека за вакво „грозоморно дело следуваат највиоски казни“.
Одговарајаќи на новинарски прашања по лидерската средба кажа дека криминалот има име и презиме и обврска на истражните и поравосудните органи да се справуваат со вакви криминалци.

– Ова е грозоморен чин, а МВР и Обвинителството на најпрофесионален начин успеаја да ги идентификуваат сторителите и тие ќе бидат изведени пред правдата. Како што кажав, за вакво грозоморно дело следуваат највисоки казни, изјави Ковачевски.

Според него, се потврдила професионалноста на истражните органи и на Обвинителство кои постапувале на овој случај без никакво влијание.

Тој уште додаде дека и МВР и Обвинителството објасниле дека се работи за изолиран случај на злосторници и криминалци кои треба најжестоко да бидат казнетои согласно македонското законодавство.