Македонската ракометна репрезентација одигра реми против Австрија во првиот натпревар од главната фаза на Светското првенство 2025.

Нашите најдобри ракометари можеа на крајот да дојдат и до победата, но и до поразот, на крајот драмата го донесе и најреалниот епилог, реми.

Десното крило Ненад Костески во изјава за Македонската телевизија кажа дека ова реми се гледа како триумф.

– Еден драматичен меч, знаевме со каква селекција си имаме работа. Австрија е сериозен противник, ние заслужено се радуваме на бодот. Ова реми го гледаме како победа, среќни сме. Против Катар, како и на секој меч, одиме на победа, треба да го анализираме противникот. Мислам дека имаме уште сили да го покажеме нашиот најдобар ракомет на Мундијалот – се зборовите на Костески.

Македонија својот втор меч ќе го игра в четврток против Катар со почеток од 15.30 часот.