Македонскиот вицешампион, Еурофарм Пелистер одигра вчера одигра лош натпревар и беше поразен од Мотор Запорожје со 25:27 со што ја заврши европската сезона.

Ракометарот, Ненад Костески иако разочарувањето е големо порача да ги кренат главите и да се насочат кон следните предизвици.

Имаме само еден ден за да се подготвиме за натпреварот со Војводина во СЕХА лигата. Треба да заборавиме тоа што се случи против Мотор Запорожје, да ги подигнеме главите и да покажеме добра игра и добар натпревар. Ништо не е загубено оваа сезона, има уште многу да се игра. Ја повикувам публиката да дојде да нè поддржи и на крај сите заедно да се радуваме на нова победа.

Слична порака има и Жарко Пешевски кој посакува позитивен резултат против Војводина како едно будење за продолжување од сезоната.

Војводина е квалитетна екипа, составена од искусни домашни ракометари. Овој натпревар ни доаѓа во лош момент, но може добро да ни дојде за да ги залечеме раните и да биде еден наш нов почеток. Едно будење во кое ќе се подигнеме самите и ќе забележиме поволен резултат, не само на таа средба туку и на натпреварот што нè чека во Суперлигата против Пролет.