Македонскиот репрезентативец Никола Костески беше меѓу најефикасните во четвртфиналниот дуел од плеј-офот на чешкото ракометно првенство против Фридек Мистек.

Нашето десно крило кој ги брани боите на Талент Плзен се истакна како втор стрелец со седум голови во убедливата победа од 41:27.

Поефикасен од Костески беше само неговиот соиграч Доуда кој девет пати се запиша во листата на стрелците.

Екипата на Брно на Дејан Кукуловски не успеа да се пласира во следната фаза откако беше елиминирана од Карвина со 32:27.

На овој натпревар левиот бек Кукуловски успеа да реализира два погодоци.