Македонскиот фудбалски репрезентативец, Тихомир Костадинов, изјави дека Македонија пред себе има исклучително важни натпревари во мундијалските квалификации и очекува максимален пристап од сите во екипата за пресметките против Белгија (6 јуни, Скопје) и Казахстан (9 јуни, Астана).

– Се фокусираме на максимален пристап против Белгија, ќе бидеме подготвени. Имаме малку повеќе време за подготовка и треба да го искористиме. Сфаќаме дека играме два многу важни меча во квалификациите. Свесни сме дека испуштивме важни два бода на натпреварот со Велс, но продолжуваме и мора да гледаме напред. Мотивирани сме секогаш кога играме за Македонија, без оглед на заморот и повредите.

Селекторот бара да сме максимално ангажирани. Ги анализираме двата противници и знаеме против кого се соочуваме. Многумина мислат дека Белгија сега е послаба селекција, но тие отсекогаш имале фантастични фудбалери и претставуваат сила во светски рамки – вели Мирчевски.

Потсетување дека почна продажбата на билети за натпреварот на Македонија – Белгија кој ќе се игра на Националната арена „Тодор Проески“ во Скопје од квалификациите за СП 2026.

Цената на влезница за натпреварот изнесува од 300, 400 и 500 денари.

Навивачите и сите поддржувачи на нашиот национален тим можат да купуваат билети директно преку веб – платформата на ФФМ, (https://eticket.ffm.mk/).

Во неколку чекори подгответе се за натпреварот:

1. Посетете ја платформата https://eticket.ffm.mk/

2. Изберете го натпреварот;

3. Одберете седиште;

4. Извршете уплата;

5. Преземете го дигиталниот билет;