Првомајска рутинска победа за МЗТ Скопје во вечерашниот празничен дуел против Гостивар (78:55) во меч од четвртото коло од најдобрата македонска кошаркарска лига, со која го продолжува притисокот кон самиот врв од табелата пред плејофот.

Натпреварот беше рамноправен само во воведните две-три минути, по што „сино-белите“ со серија 16:6 дојдоа до првата двоцифрена предност (22:12), како најава на крајниот епилог.

Дефанзивата беше најсилното „оружје“ на клубот од Аеродром, агресивноста на ептен завидно ниво, како една од причините за освоените бодови. На крајот од третиот период МЗТ направи нова серија од 12:2 за „плус 20“ (52:32), што беше знак дека сите дилеми околу победникот се решени.

Бре Ајви со 14 поени беше најпрецизен за „металците“, а на спротивната страна Виктор Ефремовски реализираше 13 поени.

МЗТ Скопје Аеродром останува сигурно втор со скор 22-4, односно со една победа помалку од Пелистер, во пресрет на долго очекуваната прва суперлигашка меѓусебна пресметка, закажана за в четврток во „Јане Сандански“. Гостивар е четвртопласиран на табелата зад Еуро Никел 2005.

Пелистер им се врати на „стотките“ во кошаркарската Суперлига