Со победите на Чаир 2030 на гостувањето кај Феникс 2010 и онаа на Кожув против Вардар, затворено е второто коло од Првата „Мтел“ македонска кошаркарска лига.

Чаир 2030 со конечен резултат 93:73 славеше над Феникс 2010. Гостите имаа дури четворица играчи од стартната петорка со 10 или повеќе реализирани поени. Кирк дојде до 21 поен, Ролинс имаше еден помалку, додека Мофит и Кели го завршија овој натпревар со по 19.

Во екипата на Феникс 2010, Грент беше запрен на 23 поени (и осум скокови, односно шест асистенции), додека искусниот Димчевски даде 11 поени, плус четири скокови.

Тимот на Кожув дојде до триумфот над Вардар со 87:75. Стеванов запре на учинок од 25 поени, плус по шест скокови и исто толку асистенции. Пилепиќ имаше 23 поени на својот премиерен меч за Кожув, а двоен број на поени во домашниот состав имаа и Хауард, кој освен 17 поени додаде и 12 скокови, и Колев, кој го заврши овој натпревар со 10 поени.

Кај Вардар, Хемптон даде 27 поени (и девет скокови), Бајрам го следеше со 15 поени, додека Рос имаше 12 поени.

ПРВА „МТЕЛ“ ЛИГА-МАЖИ

РЕЗУЛТАТИ 2 КОЛО

Феникс 2010 – Чаир 2030 73:93
Кожув – Вардар 87:75
Шкупи – Работнички 57:65
Гостивар – ТФТ 60:61
МКК Куманово – Тиквеш Голден Игл 93:89
Пелистер – МЗТ Скопје Аеродром 68:67

ТАБЕЛА: Чаир 2030 4 бодови, Работнички 4, Пелистер 4, ТФТ 4, МЗТ Скопје Аеродром 3, Гостивар 3, МКК Куманово 3, Кожув 3, Тиквеш Голден Игл 2, Вардар 2, Феникс 2010 2, Шкупи 2.

ИДНО КОЛО (20/21 ОКТОМВРИ)

Тиквеш Голден Игл – Гостивар
Вардар – Феникс 2010
Работнички – МЗТ Скопје Аеродром
ТФТ – Кожув
Пелистер – МКК Куманово
Чаир 2030 – Шкупи