Кошаркарите на Анадолу Ефес како гости во натпреварот од 30 коло во Евролигата со 97:76 го совладаа белградски Партизан, иако и двете екипи имаа ист учинок пред мечот и сите очекуваа неизвесен дуел.

Турците подобро го отворија натпреварот, поведоа со 12:4 по нешто повеќе од три минути. Српската екипа успеа да се врати со серија од 8:0, но тоа беше сѐ што се виде од тимот на Жељко Обрадовиќ на денешниот дуел.

Ефес потоа одговори со истата серија и на крајот од првата четвртина беше 24:18 за гостите. Ефес многу подобро ја отвори втората четвртина и на само три минути пред паузата веќе дојде до „плус 18“ позитива (44:26) и се чинеше дека само чудо може да ги однесе „црно-белите“ до триумф. Резултатот на полувремето беше 54:33.

Турскиот претставник доминираше и во третата четвртина, кога во два наврати имаше водство од 32 поени, а пред последните 10 минути беше 73:45. Последната четвртина очигледно беше само да се заврши работата за тимот на Лука Банки.

Партизан и покрај овој пораз и натаму ги одржува шансите да се најде во плеј-ин.

Кај стрелците во победничките редови Томпсон имаше 19 поени, еден повеќе од Брајан, а на спротивната страна по 11 имаа Ниликина, Бонга и Џонс.

Евролига, 30 коло

Монако – Фенербахче 91:82
Олимпијакос – Црвена звезда 73:81
Макаби – Виртус 77:67
Басконија – Баерн 112:89
Реал – Асвел 81:70

вторник

Париз – Милано 92:79

петок

Панатинаикос – Алба 91:81
Барселона – Жалгирис 82:70
Партизан – Ефес 65:97

Табела: Олимпијакос 22-8, Фенербахче 20-10, Панатинаикос 19-11, Монако 18-12, Барселона 17-13, Црвена звезда 17-13, Париз 17-13, Баерн Минхен 17-13..