Женскиот национален тим конечно по пауза од осум години, се израдува на триумф на официјален квалификациски натпревар. Избраничките на селекторот Кирил Изов со 4:1 го совладаа Казахстан на натпреварот кој се играше на комплексот на ФФМ, „Петар Милошевски“.

Најдобрата македонска фудбалерка, Наташа Андонова, која се враќа во репрезентацијата, со голот во шестата минута ја најави победа, а по половина час предноста изнесуваше 3:0 благодарение на вториот гол на Андонова и на Гентјана Рочи. Противничките во второто полувреме, во 73. минута намалија на 3:1 преку Мјасникова, но само две минути подоцна, Гентјана Рочи со својот втор гол го постави конечниот резултат.