Хрватската претседателка Колинда Грабар Китаровиќ синоќа во свој стил навивала за Хрватска на „Рујевица“ во Риека, на натпреварот кој Хрватска го доби со 3:1 и се пласира на ЕП, а снимката на која жестоко удира со рацете на „Во бој, во бој“ стана хит на Твитер.

Navijacica. Ovi decki sto joj se smiju. Neprocjenjivo. pic.twitter.com/EUvH9syskk

— Damir Tomić (@damir_djk) November 16, 2019

„Навивачка. Овие момчиња кои и се смеат. Непроценливо“, напишал твитерџијата кој ја споделил хит снимката на која во близина на Колинда се гледаат и двајцата кои умираат од смеење.

Според снимката тешко е да се заклучи дали тие и се смеат на неа или на нешто друго, но целата ситуација е навистина интересна, а твитерџиите со своите коментари ја направија уште поинтересна. „Колинда навива во транс“, „И теби сам сит кафанооо“, се само дел од коментарите.