Познати се сите четвртфинални двојки во женска конкуренција на грен слем тенискиот турнир Ролан Гарос во Париз, Франција.

САД сигурно ќе има свој учесник во полуфиналето, Медисон Киз ќе игра против нејзината сонародничка Коко Гоф.

Гоф со 6:0 и 7:5 ја елиминираше Е. Александрова, додека Киз во американскиот дуел со 6:3 и 7:5 беше подобра протов Х. Баптист.

Мира Андреева во четвртфиналната фаза ќе се соочи против Французинката Лоис Буасон која настапува на овој турнир со вајлд-кард.

Андреева со 6:3 и 7:5 триумфираше против Австралијката Д. Касаткина, додека Буасон по пресврт со 3:6, 6:4 и 6:4 славеше победа над третата носителка Џесика Пегула од САД.

Во останатите четвртфинални дуел се среќаваат: А. Сабаленка – Ж. Чинвен и Е. Свитолина – И. Швјонтек.