Откако одржа серија разговори со првите луѓе на Баерн Минхен, Томас Тухел ќе се раздели со клубот на крајот од сезоната.

Ова предизвика големо внимание во јавноста, но го отвори и прашањето кој ќе биде наследникот на Тухел. Клубот од Минхен веќе е во потрага по нов тренер, а се шпекулира и за неколку сериозни кандидати.

Според некои германски медиуми, меѓу најсериозните кандидати за тренерската позиција во Баерн се Оле Гунар Солскјер, Чаби Алонсо, Зинедин Зидан, Антонио Конте и Себастијан Хенес.

Зидан, иако без работа од 2021 година, можеби ќе може да се најде на клупата на Баерн, но има одредени пречки. Имено, прашање е дали Зидан би се согласил на платата што би им била понудена на другите кандидати, а исто така, пречка може да биде и јазичната бариера.

На листата на потенцијални кандидати за стратег на баварскиот гигант е и Конте. Покана од ваков калибар секако би била меѓу оние покани кои не се одбиваат, а Конте веќе се докажа во клубови како Интер, Челси и Јувентус.