
Кој е попаметен – мачките или кучињата? Еве што велат стручњаците…
Од кога постои светот, сопствениците на кучиња и мачки се обидуваат да откријат кој е попаметен. Секој љубител на кучиња ќе застане на страната на кучето, додека љубителите на мачки сугерираат дека мачките се попаметни. Мора да разберете дека ова не е прашање со едноставен одговор да или не. Затоа и научниците се вклучија во приказната, пишува „World Cat FInder“.
Препорачано
По завршувањето на студијата, истражувачите објавија дека кучињата имаат околу 550 милиони неврони во мозокот, додека мачките имаат околу 250. Ова би значело дека кучињата се попаметни од мачките, но почекајте уште малку. Сè уште треба да поминеме низ некои работи за да утврдиме кој е попаметен.
Кога зборуваме за различни животни, можеме да очекуваме различни нивоа на интелигенција, но тоа би можело да биде доста тешко да се одреди. Бидејќи се различни животни и создадени се за различни цели, многу е тешко да се спореди нивната интелигенција.
На пример, кучињата можат да се истренираат да прават многу работи, но главно се зависни од луѓето, додека мачките, од друга страна, се поспособни да се грижат самите за себе. Дали ова значи дека мачките се попаметни од кучињата?
И мачките и кучињата се паметни на свој начин, во зависност од тоа што треба да направат. Ако сакате да споредите што е подобро – автомобил или мотор, ќе сфатите дека и двете имаат некои сличности, но невозможно е да се споредат бидејќи се создадени за различни цели.
Луѓето, во повеќето случаи, ќе ја поврзат интелигенцијата со тоа колку е лесно да се истренира некого. Со оглед на тоа, кучињата се познати по тоа што се лесни за дресирање, што укажува дека кучињата се попаметни. Меѓутоа, можно е и мачки да се дресираат; само треба да го имате вистинскиот пристап. Но, исто така, не е вистинскиот начин да се измери интелигенцијата на домашно милениче.
Главниот проблем со мерењето на интелигенцијата на мачките и кучињата е тоа што не постојат универзални инструменти. Не постои нешто што можете само така да го направите, што ќе ви покаже кој е попаметен.
Во повеќето случаи, работите кои ќе функционираат за мерење на интелигенцијата на кучињата нема да функционираат за мачки и обратно. Треба да се фокусираме на уникатната способност на миленичето нешто да направи и да изведе.