Македонија денеска (18.15 ч.) го игра одлучувачкиот натпревар од третото коло на Европското првенство во кој влогот е пласман во втората рунда. Противникот е еден од организаторите на ова ЕП, Австрија, додека во вториот натпревар од 20.30 часот играат Чешка и веќе отпишаната Украина.

Пред одлучувачките натпревари, Австрија е лидер на табелата со четири бода, Македонија и Чешка имаат по два, додека Украина е без бодови.

На ракометарите им е потребна победа над Австрија, бидејќи голема е веројатноста дека Чешка ќе ја оправда фаворитската улога против Украина. Тогаш би се направила мини-табела од трите репрезентации кои би имале по четири бодовии и ќе се гледаат само резултатите од меѓусебните натпревари.

Победа од два гола разлика над Австрија, на ракометарите ќе им го донесе првото место во Групата Б, додека минимална победа може да ни го до донесе второто место. За тоа е потребна победа, а на натпреварот да има повеќе од 60-тина голови.

Третата варијанта која на Македонија и носи пласман во втората фаза е Чешка да не ја победи Украина, а ние оствариме било каков триумф.

Последната опција која Лазаров, Митревски, Ристовски, Манасков, Стоилов, Талески и останатите ракометари ќе ги продолжат настапите на ЕП, ќе зависи од Чешка, односно веќе отпишаната Украина победи.

Најважно вечерва е ракометарите сами да си ја кројат судбината и да ја совладаат Австрија за да не го чекаат вториот натпревар.

Мини-табела пред вечерашните натпревари:
Австрија 32:29 од еден натпревар
Чешка 56:57 од два натпревари
Македонија 25:27 од еден натпревар