Во рамки на изложбата „Црвен се барјак развева“ на проф. д-р Кирил Пенушлиски, која се одржува во објектот Чифте амам при Националната галерија на Република Македонија, на 17 мај (сабота), во 11 часот, ќе се одржи промоција на книгата со истото име.

Изложбата „Црвен се барјак развева“ ја обработува македонската народна борбена поезија и нејзината интерпретација во ликовните дела на најпознатите македонски уметници, меѓу кои Никола Мартиноски, Лазар Личеноски, Томо Владимирски, Петар Хаџи Бошков и Борко Лазески. Автор на книгата и изложбата е проф. д-р Кирил Пенушлиски, реномиран историчар на уметност.

Книгата што ќе биде промовирана претставува збирка научни текстови посветени на македонската народна борбена лирика и модерната и современа македонска ликовна уметност, а истовремено служи и како каталог на изложбата.

Целта на проектот е да се истакне богатото културно наследство на македонскиот народ и да се приближи традицијата преку современи уметнички изрази, овозможувајќи подлабока контекстуализација на историјата и значењето на народната борбена лирика во колективната свест.

Генерален спонзор на изложбата е Комерцијална банка АД Скопје, додека проектот е поддржан од Министерството за култура и туризам и повеќе национални институции, меѓу кои Националната галерија, Музејот на современата уметност, Националната и универзитетска библиотека „Св. Климент Охридски“ и музеи од други градови низ Македонија, известија од „Круг Плус Скопје“.