Регионалниот директор на Светската здравствена организација за Европа, Ханс Клуге предупреди дека до крајот на август делта сојот може да стане доминантен на стариот континент. 

„По 11 недели пад на бројките, во Европа повторно имаме нов раст на заболени поради делта варијантата, која до крајот на август ќе стане доминантна, но за разлика од лани, сега имаме вакцинирано население и прилика да се избегне повторното носење на рестрикции во земјите“ изјави Клуге по посетата во љубљанскиот центар за вакцинирање против Ковид-19. 

Тој апелираше кон граѓаните да се вакцинираат што е можно побрзо, за да може на тој начин да се избегнат непосакуваните карантини и затварања.