Српската поп-пејачка Анастасија Ражнатовиќ и фудбалерот Немања Гудељ ќе станат родители, пишува српскиот медиум „Телеграф“.

Имено, ќерката на турбофолк ѕвездата Светлана „Цеца“ Ражнатовиќ е во четвртиот месец од бременоста, а младата двојка неодамна го дознала и полот на бебето.

Како што дознава „Телеграф“, Анастасија и Немања ќе станат родители на девојче кон средината на септември.

Тие веќе ја споделиле среќната вест со најблиските членови на семејството и пријателите, а сосема очекувано – најсреќна била идната баба, Цеца.

Како потсетување, Анастасија Ражнатовиќ и Немања Гудељ се во љубовна врска повеќе од една година, а од неодамна почнаа да живеат заедно во Севиља, Шпанија.