Ќерката на Брус Вилис со шокантна изјава: „Јас и сестрите сè уште се бањаме заедно“
Румер Вилис отворено зборува за тоа како нејзиниот однос со мајка ѝ влијае врз начинот на кој го воспитува своето дете.
Препорачано
Во интервју за поткастот „What in the Winkler“, 36-годишната актерка откри дека спие заедно со својата ќерка Луета – навика што ја одржува уште од нејзиното раѓање. Вилис, која ја има Луета со поранешниот партнер Дерек Ричард Томас, додаде дека честопати спие во ист кревет и со својата мајка, холивудската ѕвезда Деми Мур.
„Искрено, се надевам дека Лоу ќе спие со мене и кога ќе биде на моја возраст. Јас сè уште спијам со мајка ми, и не мислам дека тоа е чудно“, рече таа.
Румер е најстарата ќерка на актерите Деми Мур и Брус Вилис. Поранешниот пар ги има и ќерките Скаут (33) и Талула (31).
Но, тоа не е единствениот невообичаен семеен обичај.
„Јас и сестрите сè уште се бањаме заедно. Така растевме. Можеби на некои луѓе тоа ќе им звучи чудно, но мене не“, откри актерката.
Румер објасни дека за неа заедничкото спиење е сосема природно и даде споредба од животинскиот свет:
„Замислете да земете бебе горила или кученце на две недели или три месеци и да го оставите да спие само, далеку од мајка му. Сите би помислиле дека сте луди! А сепак, кај луѓето тоа е нормално – очекуваме бебето само да заспие, да научи да се утеши само. Но, тие не можат ниту да се нахранат самите!“
Таа истакна дека дури и возрасните имаат потешкотии со самосмирување: „Ние, возрасните, не знаеме сами да се утешиме. Ќе се јавиме на пријател, ќе пиеме вино, ќе се прејадеме со сладолед, некои дури и земаат дроги“.
Водителката на поткастот, Зои Винклер Рајнис, која е мајка на три момчиња, се согласи со Румер. Таа сподели дека нејзиниот седумгодишен син спие со неа и нејзиниот сопруг, но другите деца не го прават тоа.
„Тоа зависи од детето. Моето средно дете никогаш не би спиело со нас. Ако легнам покрај него, ми вели: ‘Добро сум, мамо.’ Но, најмалиот е различен – тој има поголема потреба од нас, и знам дека ова нема да трае вечно“.
Румер е свесна дека јавноста има свои мислења за нејзиниот начин на родителство.
„На крајот на денот, реалноста е дека – поради тоа што сум јас која сум, поради тоа кои ѝ се баба и дедо – без разлика што ќе направам, луѓето ќе имаат свое мислење за Луета и за начинот на кој ја воспитувам“.
