Ќе учествуваат осум пливачи од пет земји на Охридскиот пливачки маратон
Како што најави, градоначалникот на Општина Охрид, Кирил Пецаков, 35 издание на Охридскиот пливачки маратон ќе се одржи во сабота на 10 септември (со почеток од 10.00 часот) за кој Локалната самоуправа вложи напор заедно со Пливачката федерација и охридските пливачки клубови за да се организира маратонот.
Препорачано
Најпрвин се најавуваше дека еден од најголемите спортски настани во нашата земја нема да се одржи, сепак неизвесноста траеше кратко бидејќи веднаш реагираа институциите и најавија дека ќе помогнат истиот да се одржи и годинава.
– Охридскиот пливачки маратон кој што ќе се одржи во сабота на 10ти за кој Локалната самоуправа вложи напор заедно со Пливачката федерација и охридските пливачки клубови за да имаме маратон – рече Пецаков на денешната прес-конференција.
Ќе учествуваат само осум пливачи од пет земји, маратонот ќе биде на патеката „Климе Савин“ долга 25 километри.
Наградниот фонд од 10.000 илјади долари е обезбеден од Агенцијата за млади и спорт која е коорганизатор заедно со Општина Охрид.
– На патеката „Климе Савин“ во сабота ќе пливаат осум пливачи од пет различни држави. Во склоп на маратонот организираме и доплнителни содржини со цел да го вратиме препознатливиот сјај на маратонот од минатото – вели координаторот на организациониот одбор за организација на Охридскиот пливачки маратон, Ристе Јанкоски.
