Кирсти Ковентри е нов претседател на Меѓународниот олимписки комитет
Кирсти Ковентри (41) од Зимбабве денеска официјално ја презеде функцијата претседател на Меѓународниот олимписки комитет (ИОК), преземајќи ја функцијата од Германецот Томас Бах, и со тоа стана првата жена и првата Африканка што го предводи ИОК.
Препорачано
На церемонијата по повод предавањето на функцијата во Лозана, Бах симболично го предаде кормилото на Ковентри, која беше избрана на функцијата пред три месеци, на 20 март во Грција. Ковентри е 10 претседател на ИОК започнува осумгодишен мандат, со можност за продолжување за уште четири години, и веќе планира консултации со стотина членови во вторник и среда за да го претстави „новиот план на организацијата“. Официјално, Бах ќе остане на должност до полноќ во понеделник.
Olympic history at Olympic House. 💫
On Olympic Day, Thomas Bach formally handed over the IOC presidency to Kirsty Coventry, marking a new chapter for the Olympic Movement.
Learn more ⬇️ https://t.co/ni9RAXvjCa pic.twitter.com/KtDXrwOtza
— IOC MEDIA (@iocmedia) June 23, 2025
– Кога имав девет години, никогаш не замислував дека ќе бидам тука пред вас и дека ќе имам можност да му вратам на нашето неверојатно движење она што ми го даде мене – рече во март седумкратната олимписка шампионка во пливање, кој победи шест противници во првиот круг од гласањето.
Бах, кој го напушта ИОК по 12 години на функцијата, истакна дека изборот на Ковентри „испрати силна порака до светот“. Таа се приклучи на Комисијата на спортисти во 2013 година, а денеска ја симболизира трансформацијата на ООК од елитен клуб на аристократи и западни лидери во глобална и порамноправна организација во однос на половите.
– Тоа ја одразува навистина глобалната природа на нашето движење и неговата ориентација кон младите луѓе – беа зборовите на Бах на церемонијата, која се одржа во духот на меѓусебно почитување.
Нов предизвик за неа ќе биде статусот на руските и белоруските спортисти на Зимските олимписки игри во 2026 година во Милано и Кортина. Сигурно е дека, без долгорочен мир во Украина, нивното учество сè уште би можело да биде ограничено на неутрални настапи под строги услови, како оние на Олимписките игри во Париз 2024.
На дипломатски фронт, Ковентри ќе гради односи и со претседателот на Соединетите Американски Држави, Доналд Трамп, чија земја ќе биде домаќин на Летните олимписки игри во 2028 година во Лос Анџелес. Покрај финансискиот модел и влијанието на климатските промени, кои остануваат егзистенцијални предизвици за ИОК, Ковентри и нејзината администрација ќе треба да донесат одлука и за домаќинот на Летните олимписки игри во 2036 година. Индија, Јужна Африка, Турција, Унгарија, Катар и Саудиска Арабија изразија интерес за организирање на Игрите.
