Кирјос паѓаше по требата, но и по мрежата, покажуваше нервоза, иронично аплаудираше кон публиката, зборуваше во себе гласно, сето тоа како да го деконцентрираше неговиот ривал.

Водеше Кирјос со 2:1, па во четвртиот сет како да не му се играше, па со голема леснотија без ниту еден освоен гем му го препушти на Томпсон за израмнување.

Rafael Nadal or Yuichi Sugita awaits for @NickKyrgios ?

The 2014 quarter-finalist has to dig deep to beat compatriot Jordan Thompson in a five-set thriller#Wimbledon pic.twitter.com/hOzoFdmDpY

— Wimbledon (@Wimbledon) July 2, 2019

Но, во решавачкиот петти сет на психички план падна Томпсон, а Кирјос тоа го искористи за конечни 7:6, 3:6, 7:6, 0:6 и 6:1. Кирјос во второто коло се очекува да се сретне против Рафаел Надал кој ја има фаворитската улога против Јуичо Сугита.

Сем Квери приреди големо изненадување на вториот ден на грен слем турнирот „Вимблдон“ совладувајќи го петтиот носител, Австриецот Доминик Тим со 6:7, 7:6, 6:3 и 6:0. Во другите средби во машка конкуренција успешни до сега беа Де Минаур, Еванс, Џонсон, Нишикори, Басилашвили, Багдатис, Беретини, Симон и Нори.

Кај жените победи забележаа Синиакова, Дарт, Ван Ујтванк, Ванг К., Мертенс, Никулеску, Стрицова, Канепи, Стивенс, Дејвис, Линет, Кербер, Ванг Ј., Зигемунд, Бенчиќ, а првата носителка Барти со 6:2 и 6:2 ја совлада Женг.