На Балканското првенство во маратон кое се одржа денеска во Белград (Србија) во екипна категорија македонскиот женски тим во состав – Адријана Поп Арсова и Весна Кираџиева го освоија второто место.

Во категоријата жени поединечно Поп Арсова се пласираше на третата позиција освојувајќи бронзен медал, додека Кираџиева се најде на седмото место.

Во машка категорија Марјан Бонев го освои 10 место.

Во рамките на 1. „SERBIA MARATHON“ овој викенд Атлетската федерација на Македонија учествуваше со тројца атлетичари, предводена нашата репрезентација од секретарот Јованче Јанковски.

Ова е уште еден успех од балканските натпреварувања, претходно на Балканското првенство во крос кантри во беране (Црна Гора) во категоријата под 23 години (млади сениори), атлетичарот Дарио Ивановски беше третопласиран.