Кинеските инженери претставија нова генерација компјутери слични на мозок, наречени „Дарвиновиот мајмун“, кои можат да го имитираат мозокот на макаките. Компјутерот е развиен во Лабораторијата за мозочна интелигенција на Универзитетот Жеџијанг во источната кинеска покраина Жеџијанг.

Опремен е со 960 чипови Дарвин 3, третата генерација единици за обработка на невронски функции независно развиени од лабораторијата, објави денес кинеската новинска агенција Ксинхуа.

Чип системот поддржува повеќе од две милијарди пулсирачки неврони и над 100 милијарди синапси, што го прави Дарвиновиот мајмун првиот компјутер во светот кој комбинира напредни можности за размислување со функции за вид, слух, јазик и учење.

Компјутерот троши околу 2.000 вати енергија под вообичаени услови на работа.

Истражувачкиот тим успешно имплементираше неколку паметни апликации на компјутерот.

Со користење на своите невронски и синаптички ресурси, системот може да симулира и мозоци на различни животински видови, вклучувајќи црви, златни рипки, глувци и макаки, отворајќи нови можности за истражување на науката за мозокот, објави „Танјуг“.