Последното истражување на јавното мислење во Велика Британија, објавено денеска, покажа дека принцезата Кетрин го надминала принцот Вилијам по популарност.

Во истражувањето на агенцијата за истражување на јавното мислење „Саванта“, спроведено за „Индепендент“, принцезата Кетрин (42), која моментално се лекува од неодреден облик на рак, ја поддржуваат 62 отсто од испитаниците, додека принцот Вилијам (41) е фаворизиран од 61 отсто од британските испитаници.

Принцот Ендру (64), по дружењето со осудениот педофил Џефри Епстин, е избран за најмалку омилен член на кралското семејство – го поддржуваат само 14 отсто од испитаниците.

Принцот Хари и Меган Маркл исто така се соочуваат со мала популарност.

Принцот Хари (39) го поддржуваат само 29 отсто од испитаниците, додека неговата сопруга Меган Маркл (42) е уште помалку популарна, со поддршка од само 25 отсто од испитаниците.