Англискиот фудбалски клуб Арсенал од следната сезона ќе може да смета на услугите на Кепа Аризабалага (30) кој доаѓа од редовите на Челси.

Арсенал ја активираше ослободителната клаузула од пет милиони фунти, а сите детали од трансферот се договорени и со таборот на играчот.

Ова е уште засилување за тимот на Микел Артета после Мартин Зубименди, а Кепа заедно со Давид Раја ќе бидат главни голмани на Арсенал.

Шпанскиот чувар на мрежата Кепа од 2018 година беше член на Челси кој го праќаше својот играч позајмица во Реал Мадрид и Борнмут.

Арсенал летово ќе остане активен на фудбалскиот пазар, според најавите во потрага е по нов напаѓач, а наводно има интерес за Виктор Ѓекереш и Бенјамин Шешко.