Американската пејачка Кели Кларксон (42) призна дека користела лек за слабеење затоа што ѝ се влошила крвната слика, пренесува „Пејџ сикс“.

Иако Кларксон негираше дека го користела омилениот лек за слабеење на славните личности – Оземпик, таа не откри што земала наместо тоа.

„Сите мислат дека е Оземпик. Но, не е – тоа е нешто друго, но тоа е нешто што помага во разградување на шеќерот. Очигледно, моето тело не го прави тоа правилно“, рече таа, додавајќи дека се плаши од последиците од проблемите со тироидната жлезда.

Кларксон потврди дека не сфатила колку вишок килограми има додека не почнала полека да слабее.

Иако пејачката не потврди колку ослабела, медиумите објавија дека ослабела 60 килограми. Во ноември 2023 година, пејачката беше критикувана дека користи Оземпик за слабеење откако сподели фотографија од нејзината нова фигура на социјалните мрежи.

Кларксон тогаш нејзиниот нов изглед го припиша на исхраната и вежбањето. Ослабев затоа што го слушав докторот – немав неколку години“, рече таа и откри дека пред да ослабе ѝ бил дијагностициран преддијабетес.