Каспер Хјулманд (53), поранешниот селектор на полуфиналистот на Европското првенство 2020, Данска, официјално е назначен за нов тренер на Баер Леверкузен, една недела откако Холанѓанецот Ерик тен Хаг доби отказ, објави денеска германскиот фудбалски клуб.

Хјулманд, кој се повлече од функцијата селектор на Данска по поразот на тимот од 2:0 од Германија во осминафиналето на ЕП 2024, потпиша договор со Баер до летото 2027 година.

Претходно го тренираше Мајнц 05 во сезоната 2014-15 во Бундеслигата, а сега се врати во германскиот фудбал за да го преземе минатогодишниот вицешампион Леверкузен.

Тен Хаг беше отпуштен по два натпревари во Бундеслигата. Холанѓанецот, кој беше надвор од менаџерската позиција откако беше отпуштен од Манчестер јунајтед во октомври, го замени Чаби Алонсо во мај откако Шпанецот замина во Реал Мадрид.

По репрезентативните настапи, следниот викенд ќе продолжат возбудувањата во Бундес лигата, а новиот меч Леверкузен во кој своето деби ќе го има Хјулманд, ќе го игра дома против Ајнтрахт Франкфурт на 12 септември од 20.30 часот.