Шпанскиот тенисер Карлос Алкараз во осминафиналето е елиминиран од Мастерсот во Синсинати, САД, откако по пресврт беше поразен од Французинот Гаел Монфис со резултат 2:1 по сетови 4:6, 7:6 (5), 6:4 за два часа и 31 минута.

Мечот беше прекинат во четвртокот вечерта поради дожд кога Алкараз водеше со 1:0 во сетови, а во вториот сет Монфис поведе со 3:1 во тај-брејкот. Французинот тој сет го доби со резултат 7:5 во тај брејкот, па мечот влезе во решавачкиот сет.

Во третиот сет Монфис направи брејк за водство од 2:1 и на крајот ја оствари најголемата победа во последните неколку години.

Пред Монфис во четвртфиналето на Мастерсот во Синсинати без борба се пласираа и Јаник Синер, како и Андреј Рубљов и Александар Зверев.

Наградниот фонд на Мастерсот во Синсинати е 6.795.555 долари.