Кошаркарот на актуелниот НБА шампион Стеф Кари е во преговори со производителот на спортска опрема „Андер Армор“ за потпишување на доживотен договор.

Доколку дојде до договор, Кари би требало да заработи повеќе од милијарда долари.

Актуелниот договор на Кари со „Андер Армор“ истекува во 2024 година, а доколку се договорат за продолжување на соработката, кошаркарот ќе добие и сопствен спортски бренд како што има Џордан со „Најки“ – „Ер Џордан“.

Кари на почетокот од кариерата соработуваше со „Најки“, но во 2013 година потпиша со „Андер Армор“ за 4 милиони долари годишно.

Во 2015 година потпиша нов договор тежок 215 милиони долари кој сè уште е актуелен.