На аеродромот во францускиот град Ница е избегнат сериозен инцидент, кога два авиона речиси се судрија на пистата, минувајќи еден покрај друг на само три метри, објавија медиумите.

Инцидентот се случил кога авионот на туниската компанија „NuvelEr“ речиси се судрил со авионот на „EasyJet“ додека се подготвувал за полетување.

Патниците во авионот на EasyJet изјавиле дека полетувањето прво било одложено поради лошото време, додека над Азурниот Брег синоќа имало бура со грмотевици и густа магла. Тие додадоа дека авионот неколку пати ги менувал пистите, а потоа, во моментот кога се слушнал оглушувачки шум, виделе дека авион на туниската компанија се нашол на само три метри од нивниот авион.

Патниците рекле дека паниката била голема, а капетанот излегол од кабината плачејќи и тресејќи се. Тој им соопштил дека судирот бил избегнат за три метри и дека летот не може да продолжи, по што веднаш бил откажан.