Центарот за гранично управување на Министерството за внатрешни работи на Косово (НЦУГ) соопшти дека на преминот Јариње биле блокирани и запрен сообраќајот на камиони со стока, а причина за тоа е „нефункционирањето на царинскиот систем на Србија“, објави Коссев.

„Ве известуваме дека денеска од 16 часот и 15 минути од српска страна бевме известени дека царинскиот систем од српска страна не функционира и дека камионите со стока не се движат ниту при влез ниту при излегување од овој граничен премин“, стои во соопштението на НЦУГ објавено на Фејсбук.

На овој премин главно влегува стока наменета за четири општини на северот на Косово, а преку преминот Мердаре се увезува стока за другите делови.