Калиопи: Не се чувствував доволно привлечно за да се соблекувам во спотовите
Калиопи Букле, нашата пејачка со раскошен глас, за еден српски портал изјави дека благодарение на генетиката таа не правела никакви хируршки интервенции, но и дека не подлегнала на трендот „кокетирање со провокативни спотови“.
Препорачано
Нашата шармантна пејачка Калиопи својот музички пат го градеше полека, скалило по скалило, без скандали и со многу љубов. Сакаше секоја песна да ја исполни со емоции со цел и публиката да ја доживее како и таа, па во секоја песна луѓето да се препознаат.
Таа зад себе има два брака, но никогаш не им ја затвора вратата на поранешните љубени. Со првиот сопруг Ромео Грил го има синот Пако, и тој е еден од нејзините продуценти со кои соработува. Калиопи иако е во шестата деценија од животот, може да се пофали со младешкиот изглед на кој можат да му позавидат и помладите девојки.
По серијата прашања на кои одговори таа следеше и прашањето за помладите колешки кои играат на картата на провокација, провокативните облеки, спотовите кои кокетираат со еротика, разголените сцени и сл. на кое таа одговори:
– Се мора да има доза на умереност. Доколку нешто е убаво и на Бог му е драго. Немам ништо против тоа. Нека секој работи онака како што мисли дека треба. Јас никогаш не морав, ниту пак сум сакала да го правам тоа. Не се чувствував доволно привлечно за да се соблечам целосно. Се шегувам. Убаво е тоа доколку е умерено и има естетика. Тогаш сум за!, објасни Калиопи.
