Најдобриот македонски тенисер Калин Ивановски успеа да се пласира во втората рунда на фјучрсот во Синтра, Португалија.

Ивановски ја оправда улогата втор носител со победата над Британецот Маркус Волтерс со 2:0 во сетови 6:4 и 7:6 (5).

Првиот сет беше решен во петтиот гем кога Ивановски успеа да направи брејк и на противникот да му го одземе гемот на сервис и притоа поведе со 3:2, а веднаш потоа и со 4:2.

До крајот на сетот Ивановски ја задржа предноста и го доби сетот со 6:4. Во вториот сет имаше по еден брејк на за двајцата тенисери, па сетот беше решен во тај брекот. Македонецот поведе со 5:1 во поени, но противникот израмни на 5:5, сепак следните два поена му припаднаа на Ивановски кој го доби сетот со 7:6, а воедно и мечот.

Во следното коло противник на Ивановски ќе му биде Дуарте Вела од Португалија.