Да се одбере и погоди добра маскара е подеднакво исто како да се погодат добар пар фармерки кои супер ни прилегаат. Ако сè уште се прашувате зошто пак сте ја „утнале“ маскарата, верувајте дека не е до нејзиниот квалитет, туку до тоа што не си ги познавате добро своите трепки, а и не знаете каков тип на маскара за нив ви е потребна.

За да не талкате и понатму, еве го нашиот практичен водич кој ви посочува кои се најдобрите маскари за вашиот тип на трепки.

Маскари со голема и мека четкичка

Маскарите со голема и мека четкичка потешко се ракуваат, но затоа пак се совршени за сите оние кои имаат ретки трепки. Овие маскари се препорачуваат само за оние кои сакаат да ги „пополнат“ трепките и да им дадат полн и волуминозен изглед.

Маскари со заоблена и дебела четкичка

Ако вашите трепки се долги но спуштени и сакате да ги поткренете и да им додадете волумен, тогаш барајте маскара со заоблена и дебела четкичка.

Маскара со заоблена и тенка четкичка

Ваква четкичка треба да бараат сите оние кои имаат кратки, а спуштени трепки.

Маскара со четкичка во форма на песочен часовник

Со ваква четкичка маскарата лесно се нанесува и може да ги фатите трепките од сите агли. Ги издолжува трепките и додава волумен. Одлични се за сите што имаат класична форма на трепките.

Маскара со тенка четкичка

Овие маскари се препорачуваат за оние кои имаат многу кратки и прави трепки. Не додаваат волумен, но значително ги издолжуваат трепките.