Еден од најдобрите 50 наставници во светот е од Македонија. Тоа е Иле Михајловски, одделенски наставник од ОУ „Св. Кирил и Методиј“ од Свети Николе. Михајловски ја добива престижната награда како резултат на неговата голема заслуга и труд во тридецениското работење. Посветен и вреден во своите задачи, но во исто време и двигател за клучни општествени промени за подобри услови на децата со попреченост уште во 90-те кога инклузивноста беше непознат поим. Дознајте повеќе за оваа убава и успешна животна приказна низ разговорот со учителот во утринска програма „Слободен печат“.

Како новата американска администрација предводена од претседателот Доналд Трамп ќе влијае на Велика Британија? Што разговарале Кир Стармер и Трамп во долгиот телефонски разговор? Кој има право да го купи Гренланд? Зошто американските туристи добиваат дополнителни услови за посета на Британија? Жанета Скерлев ги разјаснува овие прашања.

Ина Михајлова е сопственик на онлајн „секнд хенд“ продавница. Таа е дипломиран дизајнер со богато искуство. Работи на големи проекти и детски работилници. Откако целиот живот ја опседнувала уметноста и патувањата, Ина се решила да ги прошири нејзините интереси и да се посвети на нешто што е и корисно и еколошки одговорно – „секнд хенд“ облеката.

Гледајте „Слободен печат“ секој работен ден во 9 часот наутро.