Летното сметање на времето започнува во последната недела од март, а годинава менувањето на часовникот започнува на 30 март во два часот по полноќ, кога часовниците ќе се поместат на три часот, односно еден час понапред.

Секоја година, двапати годишно, милиони луѓе ширум светот ги движат стрелките на часовникот, еднаш напред во пролет и еднаш назад во есен.

Летното сметање на времето предизвикува бројни дебати секоја година, додека едни тврдат дека носи бројни предности, други укажуваат на неговите негативни последици, особено по здравјето.

Идејата за поместување на часовникот датира од 18 век, но посериозно беше сфатена дури во 20 век, особено за време на Првата и Втората светска војна.

Главните причини за неговото воведување беа заштедата на енергија, бидејќи подолгите денови овозможуваа помала употреба на вештачко осветлување и други енергетски ресурси.

Главните причини за воведувањето беа заштедата на енергија, за да се натераат луѓето да се прилагодат на природната светлина, користејќи ја повеќе во текот на денот. Потоа има зголемена продуктивност и активности на отворено и помалку сообраќајни несреќи во вечерните часови. Додека од економска перспектива, некои сектори како туризмот и угостителството забележуваат раст на приходите бидејќи луѓето поминуваат повеќе време надвор од домот.

Меѓутоа, во современиот свет, каде што енергијата се троши на клима уреди, компјутери и вештачко осветлување, се покажа дека придобивките не се толку значајни како што се мислеше.

Иако причините за неговото воведување беа практични, бројни студии покажуваат дека менувањето на часовникот може да има негативно влијание врз човечкото тело.

Нарушување на сонот

Еден од најголемите проблеми со преминот кон летно сметање на времето е нарушувањето на деноноќниот ритам, внатрешниот биолошки часовник кој го регулира спиењето. Кога часовникот се менува нанапред, телото мора да се прилагоди на порано будење, што може да доведе до несоница, замор и лош квалитет на сон.

Зголемен ризик од проблеми со срцето

Истражувањата покажаа дека првите неколку дена по преминувањето на летно сметање на времето има зголемување на бројот на срцеви и мозочни удари. Недостатокот на сон и ненадејната промена во ритамот може да го зголемат нивото на стрес и да влијаат на крвниот притисок.

Зголемена склоност кон депресија и анксиозност

Промената на времето може да влијае на менталното здравје, особено кај луѓето кои се чувствителни на промени во ритамот на спиење. Некои истражувања сугерираат дека менувањето на часовниците може да го зголеми ризикот од сезонска депресија и чувство на анксиозност.

Намалена концентрација и продуктивност

Поради губење на сон, многу луѓе пријавуваат проблеми со концентрацијата и фокусот во деновите по префрлањето на летното сметање на времето. Истражувањата покажуваат дека дури и мала промена во сонот може да влијае на донесувањето одлуки и брзината на реакција, што може да го зголеми ризикот од несреќи на работа и во сообраќајот.

Влијание врз метаболизмот и телесната тежина

Некои научници веруваат дека менувањето на часовникот може да влијае на метаболизмот, бидејќи го менува времето на оброците и чувството на глад. Нарушениот ритам може да придонесе за зголемен внес на калории и нарушување на рамнотежата на телото.

Сè повеќе земји размислуваат за укинување на летното сметање на времето, бидејќи придобивките се минимални, додека негативните ефекти се сè поочигледни.