Во катастрофалните поплави што ја погодија Босна и Херцеговина, многу жители ги загубија своите домови, а некои останаа и без своите семејства. Најмалку 21 лице загина, а се стравува дека оваа бројка ќе се зголеми, со оглед на тоа многу луѓе и натаму се сметаат за исчезнати.

Состојбата во погодените подрачја се уште е исклучително тешка, а операциите за пребарување и чистење на насобраниот насип и материјал продолжија и денеска, објавуваат српските медиуми.

Сè уште е многу тешко во Фојница, Кисељак, местата околу Коњице, а најтешко е во Јабланица. Сообраќајот од Мостар кон Јабланица е целосно блокиран. Во некои области нема струја, а телекомуникациските врски се уште се отежнати. Степенот на штетите и бројот на жртвите ќе ги надмине оние од пред десет години, кога беа поплавени и делови од Босна и Херцеговина.

Во меѓувреме се покренуваат истраги за тоа како всушност настанала оваа состојба. Една од причините, очигледно, е нелегалното ископување на гранит од каменоломот над Јабланица, кој требаше да биде затворен. Фотографиите направени со сателит од 2018 година до август оваа година го докажуваат тоа.

Босанскиот портал „Истрага“ со помош на „Гугл ерт“ успеал да ги документира машините кои биле активни во каменоломот кој, според премиерот на Федерацијата, „во последните четири години е затворен“. Токму во тој каменолом поради обилните врнежи настана акумулација која предизвика карпеста лавина која падна врз куќи во Јабланица при што загинаа најмалку 15 лица.

Во Обвинителството на Херцеговско-неретванската жупанија е оформен предмет со посебен акцент на работењето и активностите на каменоломот, од оваа институција.

Во меѓувреме, има сè повеќе потресни сведоштва за луѓе кои ги загубиле своите најблиски, како и за оние кои едвај успеале да го спасат својот гол.

Лејла Залихиќ е мајка херој која скокна од третиот кат од својата куќа, исплива три километри во поројна вода и ја спаси својата 13-годишна ќерка за време на катастрофалните поплави кои го зафатија Бутуровиќ Поље.