Работна средба за зголемување на нивото на информираноста на потрошувачите за телекомуникациските услуги преку анализа на состојба на прописите за телекомуникациски услуги во земјава и постапка за решавање на спорови настанати во оваа област, денеска ќе се одржи во Скопје во организација на Организација на потрошувачите на Македонија (ОПМ).

Работната средба, како што велат организаторите, е дел од активностите предвидени во владината Програма за заштита на потрошувачите за 2022 година.

На работната средба Маријана Лончар Велкова од ОПМ ќе говори за јавните услуги и потрошувачките приговор согледани преку Законот за заштита на потрошувачите, а Рената Аиновска Талевска од Агенција за електронски комуникации ќе се осврне на постапката за решавање потрошувачки спор и едукација на потрошувачите преку промотивна кампања согледани преку Законот за електронски комуникации.