Како да излетала од епизода на Том и Џери: Најсочната велигденска печена шунка
Печената шунка сме ја гледале како главна „ѕвезда“ во многу филмови и епизоди од Том и Џери и е посебно јадење кое обично се подготвува само на Божиќ и Велигден. Оваа тропска верзија потекнува од Јамајка, која ја усвоила традицијата благодарение на нејзините британски колонизатори.
Препорачано
Потребни состојки:
– 2 кг готова шунка за сервирање
– неколку цели каранфилчиња
За сосот за подмачкување:
– 250 мл сос од брусница или џем од јагоди или малини
– 60 мл сок од портокал
– 60 мл сок од ананас
– 1 лажица сок од лимон
– 100 гр кафеав шеќер (ако користите сос од брусница)
– 1 кафена лажичка сенф
Метод:
Извадете ја обвивката. Во маснотијата на шунката направете посекотини во дијамантска шема и шпикувајте со каранфилче. Печете ја шунката во рерна на 165 степени целзиусови, 2 часа или додека термометарот за месо не регистрира 55 степени целзиусови.
Во тенџере, измешајте сос или џем од брусница, сок од портокал, сок од лимон (кафеав шеќер ако користите сос од брусница) и сенф. Варете ја глазурата непокриена 5 минути за да се згусне.
Во последните 30 минути од печењето на шунката, на секои 10 минути се потура и подмачкува месото со глазурата. Преостанат сос може да се сервира на страна со прилог од компир.
ВИДЕО | Бојадисајте ги јајцата со помош на ориз: Брза, лесна и прекрасна техника
