Старлетата Кајли Џенер и актерот Тимоти Шаламе ја подигнаа својата романтична врска на ново ниво. Двојката е во љубовна врска од 2023 година, а деновиве Џенер го заследи својот партнер на Инстаграм.

Џенер на оваа социјална мрежа следи само 119 профили, а сега меѓу нив е и оној на Шаламе. Сепак, актерот на својот профил не следи никого, па ниту својата девојка.

Џенер и Шаламе наводно ја започнале романската врска во јануари 2023 година, кога присуствувале на модната ревија на брендот „Жан-Пол Готје“. Сè до април истата година излегувале тајно, а потоа јавноста дознала дека се заедно. Наскоро потоа, Џенер била фотографирана пред домот на актерот, а извори тогаш изјавиле дека парот допрва се запознава и дека врската не е сериозна.

„Го запознава. Кајли се забавува. По години кавги со Тревис Скот, сака да излегува без притисок“, изјавиле тогаш блиски извори.

Дури во август 2023 година првпат беа видени заедно во јавност, но тогаш се појавија и гласини дека раскинале. Сепак, странските медиуми потврдија дека двојката сè уште е заедно.

Оттогаш, редовно се појавуваат на јавни настани, а во мај блеснаа заедно на црвениот килим. Последно беа видени на кошаркарски натпревар на тимот Њујорк Никс, каде не ја криеја својата вљубеност пред љубопитните погледи.

ВИДЕО | „Ова е нивниот крај“: Кајли Џенер не ги трга рацете од Тимоти Шаламе, тој е целосно незаинтересиран