Многу е веројатно заминувањето на македонскиот репрезентативец и наш најдобар кошаркар во моментов Ненад Димитријевиќ (27, 190) од Олимпија Милано каде не се наигра минатата сезона. Иако има уште една сезона од договорот, Нено најверојатно ќе си оди затоа што од минатата сезона не се задоволни ни тој, ни клубот.

Името на одличниот плејмејкер се појавува во повеќе европски медиуми, а клубови кои најчесто се споменуваат се УНИКС Казан, ЦСКА Москва, Паризан Белград и Хапоел Тел Авив. Дали Нено ќе игра во еден од овие клубови, дали можеби ќе остане во Олимпија (што не е веројатно), или ќе има некоја друга опција? Тоа ќе се дознае наскоро.

УНИКС Казан е дефинитивно заинтересиран да го врати Димтиријевиќ каде што тој играше пред да замине за Олимпија и му го донесе меѓу другото и трофејот во ВТБ Лигата, единствен во историјата на овој познат клуб. Велимир Перасовиќ, тренерот на УНИКС, сигурно би сакал да го види Нено повторни во својот тим. УНИКС минатата сезона не успеа да влезе во финалето на плејофот во ВТБ лигата, која важи и за официјално руско првенство.

Но, пречка за ваков трансфер би бил фактот што УНИКС не може да го плати нашиот репрезентативец колку што тој добива во Милано, а Олимпија сепак би барала и откупни обесштетување за да го пушти во Казан.

ЦСКА е подготвена да понуди договор

ЦСКА Москва, исто така се јавува како интересент за купување на Ненад. Најпознатиот руски кошаркарски бренд и актуелен шампион во ВТБ лигата има контакт за трансфер со Ненад. Според италјанскиот инсајдер Андреа Калцоне, ЦСКА е подготевана да му понуди на Димитријевиќ дввегодишен договор.

Нашот кошаркар има одлични спомени од Русија, каде меѓу другото беше шампион и МВП на сезонава во ВТБ лигата. ЦСКА е голем клуб и Ненад сигурно би се вклопил одчично бидејќи ја познава средината. Тешкотија би бима тоа што ЦСКА моментно не игра во европските натпреварувања што за младиот амбициозен кошаркар е проблем.

Партизан е малку веројатна варијанта

Белградски Партизан е заинтересиран за Ненад, објавија повеќе српски медиуми. Дмитријевиќ е навивач на Партизан, несомнено е дека има огромна желба да игра во црно-белиот дрес, предводен од Жељко Обрадовиќ. И навивачите на евролигашот го сакаат. Но, последните информации од српските медиуми навестуваат дека сепак таков трансфер е малку веројатен.

Хапоел Тел Авив исто така заинтересиран за Ненад, тоа е финансиски силен клуб и евролигаш. Но, безбедносната ситуација во тој регион не е најдобра што ги можело да биде фактор за одбивање за Димитријевиќ.
Не е неможна и варијантата тој да остане во Милано, иако е поверојатно дека клубот ќе посака да земе откупна отштета и да го пушти да си оди во друг клуб.