Менаџерот на Јунајтед, Оле Гунар Солскјер го избра почетниот состав за дуелот против Перт Глори во предсезонската турнеја: Ромеро, Далот, Туанзебе, Џонс, Јанг (капитен), Андреас, Матиќ, Чонг, Лингард, Џејмс, Марсијал.

На резервната клупа е Погба, а освен тој се и Де Геа, Переира, Рохо, Шо, Смолинг, Ван-Бисака, Гарнер, Гомес, Мата, Мектоминеј, Гринвуд и Решфорд.

? Time to bring you today's #MUFC team news…#MUTOUR ??

— Manchester United (@ManUtd) July 13, 2019

Се поставува прашањето каде е Ромелу Лукаку? Тој летово се поврзува со трансфер во редовите на Интер, а воедно не е тајна дека преговараат две екипи.

Едни шпекулираат дека Белгиецот веќе е на пат за Милано, но менаџерот Солксјер има едноставно објаснување, како и за отсуството на Бејли, Линделоф и Грент.

Inter Remain Optimistic About Signing Romelu Lukaku From Manchester United https://t.co/baoEqmKWcE #FCIM #ForzaInter #InterFans pic.twitter.com/t6s6MJnL5Z

— SempreInter.com (@SempreIntercom) July 13, 2019

– Лукаку, Бејли, Линделоф и Грент се во ред, имаат само помали проблеми и денеска нема да настапат. Веројатно ќе бидат на терен в среда – вели Солскјер.

„Неро-аѕурите“ веќе испратиле понуда за белгискиот интернационалец, а од друга страна „црвените ѓаволи“ не сакаат да слушнат за бројка помала од 85 милиони евра.