Екипата на Јувентус која најверојатно ќе остане без шампионската титула, во наредната сезона ќе влезе со нов капитен. Весникот „Тутоспорт“ пишува дека наследник на Џорџи Кјелини кој летово ќе се пензионира, ќе биде Матијс де Лихт.
Вообичаено заменик на Кјелини е Леонардо Бонучи, но челниците на „старата дама“ не сакаат да му ја доделат капитенската лента бидејќи не можат да му простат што во 2017 година премина во Милан.
Еден од кандидатите за капитен бил и Пауло Дибала, но бидејќи не сака да потпише нов договор, се очекува да биде продаден во летниот преоден рок. Дибала има договор до 2022 година и Јувентус не сака да го загуби Аргентинецот без пари.
Интересно е што челниците на клубот одлучија да го прескокнат Кристијано Роналдо за кого директорот Павел Недвед потврди дека сигурно останува и наредната сезона.

Легендата на Јуве без дилеми, Недвед откри што ќе биде со Роналдо и Пирло!