Пораз на женската јуниорска кошаркарска репрезентација на Македонија на отворањето на Европското првенство од Дивизијата „Б“ во литванскиот Алитус. Бевме убедливо совладани од селекцијата на Романија со 87:45.

Инаку одлично го отворија премиерниот меч нашите млади кошаркарки. По петтиот поен на Начевска, Македонија имаше 10 поени предност (16:6). Но, за нешто повеќе од две минути до крајот на првиот период, Романките направија серија од седум поени, и намалија на 16:13..

Го чувавме водството до 13 минута, кога противникот дојде до нерешени 20:20. Имавме проблеми со реализацијата во таа втора четвртина во која Романија направи пресврт. Во 17 минута противничките водеа со 30:23, а само индивидуалните квалитети на Колева и А.Начевска, нè оставија на 34:27, за полувремето да го дочекаме со двоцифрен минус (37:27).

Романија во второто полувреме стекна уште поголема позитива (53:36) во 28 минута од мечот. А до истекот на третата четвртина на семафорот стоеше и огромни „плус 26“ (62:36).

Ања Начевска во нашата репрезентација запиша 11 поени и 13 скокови. Колева застана на девет поени, а Николиќ постигна шест.

Во второто коло, кое е на распоредот утре, од 17.00 часот, нашиот женски јуниорски состав ќе игра против Германија.

РАСПОРЕД НА НАТПРЕВАРИТЕ

ГРУПА А

РЕЗУЛТАТИ – ПРВО КОЛО

Романија – МАКЕДОНИЈА 87:45
14.30 часот Германија – Шведска
Ирска – слободна

ДВОЈКИ – ВТОРО КОЛО

5 ЈУЛИ (ПЕТОК)

14.30 часот: Ирска – Романија
17.00 часот: МАКЕДОНИЈА – Германија
Шведска – слободна