Денеска македонската машка јуниорска кошаркарска репрезентација за пласман од деветтата до 16 позиција загуби од Израел со 85:73 на Европското првенство Дивизија „А“ за играчи „Под 18“ години во Белград, Србија.

Првата четвртина беше решавачка во која израелските репрезентативци ја добија со 26:16.

Во понатамошниот период во следните три четвртини резултатски беше рамноправно паркетот (23:22, 22:22, 14:13), но предноста што ја стекнаа Израелците во првите 10 минути од натпреварот се покажа како клучна за крајниот исход.

Во македонската репрезентација Дамјан Данев запиша 23 поени (осум скокови), следен од Никола Јаничиќ со 16 поени (осум скокови, пет асистенции), додека Григориј Ѓорѓевиќ имаше 15 поени и шест скокови.

На спротивната страна доминираше Габриел Артменко со „дабл-дабл“ учинок од 22 поени и 16 скокови.