Изминатава недела се одржа Европското сениорско првенство во пливање во Белград, Србија каде нашиот пливач Јован Јанковски се врати со нов младински рекорд.

Јанковски во дисциплината 50 метри слободно оствари време од 23,74 секунди што беше за само четири стотинки побавно од сениорскиот рекорд.

Од пливачкиот клуб „Вардар“ се сигурни дека овој надежен пливач во иднина ќе соборува уште многу рекорди.

Во својата група „2“ Јанковски го освои петтото место, а на првата позиција се најде Исланѓанецот Еинар Маргеир Агустсон (23,09 секунди).

На ова ЕП во пливање учествуваа осум македонски репрезентативци: Блажевска Еминова Миа (П.В.К.Орион), Милковска Јана (ПК Вардар 2018), Крстевска Миа (ПК Вардар 2018), Јанковиќ Сара (ПК Скопје), Трајановски Никола (ПК Тумба), Ѓуретановиќ Никола (ПК Вардар 2018), Јанковски Јован (ПК Вардар 2018) и Стојановски Андреј (ПК Нептун).